فیصل آباد میں تربیتی طیارہ گر کر تباہ/ 2 افراد ہلاک

مہر خبررساں ایجنسی نے ڈان کے حوالے سے نقل کیا ہے کہ پاکستان کےصوبہ پنجاب کے شہرفیصل آباد میں ایئرپورٹ کے قریب تربیتی طیارہ گرکرتباہ ہوگیا جس کے نتیجے  میں 2 افراد ہلاک ہوگئے ہیں۔ابتدائی اطلاعات کے مطابق طیارہ ایئرپورٹ سے اڑان بھرنے کے کچھ ہی دیر بعد حادثے کا شکار ہوگیا، جس کے نتیجے میں طیارے میں سوار انسٹرکٹراور ٹرینی پائلٹ ہلاک ہوگئے۔ہلاک ہونے والوں کی شناخت انسٹرکٹر معاذ اور ٹرینی پائلٹ محمد احمد کے نام سے کی گئی۔ اس سے قبل نومبر 2014 میں بھی راولپنڈی میں فلائنگ کلب کا ایک تربیتی طیارہ رن وے پر لینڈنگ کے دوران گر کر تباہ ہوا تھا۔